ലോക ലഹരിമരുന്ന് വിരുദ്ധദിനമായ 27.06.2011 തിങ്കളാഴ്ച്ച രാവിലെ 10.30ന് സ്കൂള്‍ അങ്കണത്തില്‍ നിന്നും ബഹു. ഹെഡ് മിസ്ട്രസ് ഇന്ദിരടീച്ചറിന്റേയും പി.ടി.എ.പ്രസിഡണ്ട് ശ്രീ.സുല്‍ഫിക്കറിന്റേയും നേതൃത്വത്തില്‍ ലഹരിമരുന്ന് വിരുദ്ധ റാലി പുറപ്പെട്ടു.പ്ലക്കാര്‍ഡുകളും cut outഉം മുദ്രാവാക്യങ്ങളുടേയും അകമ്പടിയോടെ നടന്ന റാലി ജനശ്രദ്ധ ആകര്‍ഷിക്കുന്നതായിരുന്നു.
തുടര്‍ന്ന് 11.30 ന് സ്കൂള്‍ ആഡിറ്റോറിയത്തില്‍ നടന്ന ലഹരി മരുന്ന് വിരുദ്ധദിനാചരണ പരിപാടിയില്‍ ബഹു.പി.ടി.എ.പ്രസിഡണ്ട് അധ്യക്ഷനും ബഹു. ഹെഡ് മിസ്ട്രസ് ഇന്ദിരടീച്ചര്‍ സ്വാഗതവും വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ശ്രീ.വര്‍ക്കല സജീവ് ഉദ്ഘാടനവും നിര്‍വഹിച്ചു.ബി.ആര്‍.സി. ട്രെയിനര്‍ മുരളിസാര്‍,മോഹന്‍ലാല്‍സാര്‍ തുടങ്ങിയവര്‍ ആശംസകള്‍ അര്‍പ്പിച്ചു.
സമ്മേളനത്തിനുശേഷം വര്‍ക്കല ഗവ.ആശുപത്രിയിലെ ശ്രീ.പ്രേംരാജ്സാര്‍ 2 മണിക്കൂറോളം പുകയില,മയക്കുമരുന്നുകള്‍,മറ്റു ലഹരിവസ്തുക്കള്‍ ഇവയുടെ അപകടകരമായ സ്വാധീനവും അതിന്റെ ദോഷവശങ്ങളും സരസവും എന്നാല്‍ അതീവ ഗൗരവത്തോടെയും കുട്ടികളുമായി സംവദിച്ചു.കുട്ടികളുടെ ചോദ്യങ്ങള്‍ക്ക് അദ്ദേഹം മറുപടി നല്‍കി.
തുടര്‍ന്ന് ഉച്ചയ്ക്ക് 1.30 മണിമുതല്‍ സ്കൂള്‍ അധ്യാപകര്‍ തയ്യാറാക്കിയ സ്നേഹദൂത് എന്ന documentary യുടേയും,കിളിത്തൂവല്‍,ലഹരിവസ്തുക്കളുടെ ദോഷഫലങ്ങള്‍ വ്യക്തമാക്കുന്ന മറ്റൊരു cdയുടേയും പ്രദര്‍ശനവും നടന്നു.ബഹു.സ്റ്റാഫ് സെക്രട്ടറി ശ്രീ.മരളിധരന്‍സാര്‍ കൃതജ്ഞത അര്‍പ്പിച്ചതോടെ യോഗം അവസാനിച്ചു.
